شادی نہ صرف دو انسانوں بلکہ یہ دوروحوں و خون ، دو جسموں اور دو ذہنوں کے باہمی ملاپ کا نام بھی ہے۔ یہی وجہ ہے کہ صرف وہی شادی شدہ افراد کامیاب زندگی گزارتے ہیں جن کے درمیان باہمی الفت و محبت اور ہم آہنگی ہو۔
اچھےاور مشکل حالات میں شادی شدہ جوڑے کسی طرح اپنی محبت برقرار رکھتے ہیں؟ اس کا جواب زیادہ تر افراد یہ دیتے ہیں کہ یہ قسمت پہ منحصر ہوتا ہے لیکن مختلف تحقیقات اور تجزیے کے بعد ماہرین نے خوشگوار اور محبت سے بھر پورازدواجی زندگی گزارنے کیلئے دس سنہری اصول اور قیمتی اصول بتائے ہیں جو درج ذیل ہیں۔
جیون ساتھی کو کبھی بھی تنہا نہ چھوڑیں
تعلقات میں بہتری اورمضبوطی لانے کے لئے ضروری ہے کہ آپ حقیقت پسند ہیں، اپنے شریک حیات سے بہت محبت کریں ، کیونکہ زندگی بھر کے طویل ساتھ میں اتار چڑھاؤ آتے رہتے ہیں اور انسان کو اچھے اور برے حالات کا سامنا کرنا پڑتا ہے
اس لئے ضروری ہے کہ ہر طرح کے حالات میں ایک دوسرے کا ساتھ دیں اور کبھی بھی کسی مشکل وقت میں فریق ثانی کو تنہا مت چھوڑیں۔
ایک دوسرے کو سمجھیں
اگر کسی باغ کی دیکھ بھال نہ کی جائے تو اس میں خودرو پودے اور گھاس پھوس نکل آتے ہیں جس کی وجہ سے بڑے سے بڑا پودا بھی خراب ہو جاتا ہے۔ بالکل اسی طرح انسانی تعلقات بھی ہوتے ہیں کہ اگر ان پر توجہ نہ کی جائے تو وہ خراب ہو جاتے ہیں یا ٹوٹ کر ختم ہو جاتے ہیں۔
اگر آپس میں کسی بات پر غلط فہمی پیدا ہو جائے تو اسے فوری طور پر دور کریں تا کہ تعلقات میں بہتری لائی جاسکے ۔ کچھ لوگ اس بات پر یقین رکھتے ہیں کہ اچھے تعلقات قدرتی طور پر پروان چڑھتے ہیں
لیکن حقیقت اور سچائی یہ ہے کہ تعلقات کو بہتر بنانے کے لئے ان کی مستقل دیکھ بھال کرنا ضروری ہوتا ہے۔ اگر ہم تعلقات کو نظر انداز کرنا شروع کر دیں تو بہت جلد تعلقات خراب ہونا شروع ہو جاتے ہیں۔
ساتھ وقت گزاریں
اس احساس کا کوئی متبادل نہیں ہے کہ اپنے دن کا بہترین وقت اپنے شریک حیات کے ساتھ گزاریں، اس کے لئے ضروری ہے کہ ایک وقت طے کر لیں جس میں صرف دونوں ایک دوسرے کے ساتھ ہوں ۔ اس طرح سے دونوں فریقین کے درمیان ایسی محبت پروان چڑھتی ہے جو زندگی کی کٹھن راہوں کے سفر کو بھی آسان بنا دیتی ہے۔
ایک دوسرے کے ساتھ وقت گزارنے کا مطلب صرف یہ نہیں ہے کہ آپ مل کر ٹی وی دیکھیں بلکہ دوسرے کئی کام کئے جاسکتے ہیں مثلا کہیں سیر و تفریح کے لئے چلے جانا، کوئی گیم کھیلنا، یا ہوٹل میں کھانا کھانا وغیرہ۔
ایک دوسرے کو احساس دلائیں
شریک حیات کے ساتھ زندگی کے مختلف تجربات شیر کریں، مختلف امور کے متعلق منصوبہ بندی کریں دونوں کے ذوق کو مد نظر رکھتے ہوئے کمرے کی سجاوٹ کریں اور ایک دوسرے کو احساس دلائیں کہ وہ اسکے لئے کتنا اہم ہے؟ اور اس کی زندگی فریق ثانی کےبغیر ناممکن اور ادھوری ہے۔
اختلافات کو نظر انداز کریں
ایک دوسرے کے درمیان ہونے والے اختلافات کو نظر انداز کریں، ہر معاملے کے مثبت پہلو پر غور کریں اور اس پر ایک دوسرے کی حوصلہ افزائی کریں۔ اس طرح آپ کے تعلقات مضبوط ہوں گے۔
تبدیلی کی توقع مت رکھیں
اگر آپ اور آپ کا شریک حیات اس بات کی کوششیں کرنا ختم کر دیں کہ وہ ایک دوسرے کو تبدیل کر دیں گے تو زندگی میں بحث مباحثے کا ایک سب سے بڑا موضوع ختم ہو جائے گا بلکہ اس کا بہترین طریقہ یہ ہے کہ آپ فریق ثانی کو بتائیں کہ آپ اسے کیسا دیکھنا چاہتے ہیں ؟ گھریلو کام کاج میں جہاں تک ممکن ہو ہاتھ بٹائیں ۔ اس طرح آپ اس کا دل جیتنے میں کامیاب ہو جائیں گے اور وہ بھی گھریلو امور خوش دلی کے ساتھ انجام دینےلگے گی۔
متنازع اُمور میں نہ الجھیں
کچھ امور ایسے ہوتے ہیں جن پر میاں بیوی کے درمیان فرق نہیں پایا جاتا تو بجائے اس کے کہ آپ اپنی توانائی الجھنے میں ضائع کریں دونوں کو چاہئے کہ وہ سمجھوتہ کر لیں اور بحث و مباحثے میں اپنے تعلقات خراب نہ کریں۔
ایک دوسرے سے ربط استوار کرنا
اچھے تعلقات میں خرابی اس وقت آتی ہے جب دونوں فریقین کا ایک دوسرے سے رابطہ نہیں ہوتا یا مؤثر ابلاغ اور گفتگو میں کمی ہوتی ۔ اگر آپ اس کے نقطہ نظر سے متفق نہ بھی ہوں تب بھی اس سے ہمدردی اور محبت کا اظہار کریں تا کہ فریق ثانی اپنی تمام تر سوچیں، جذبات اور خیالات آپ سے بآسانی شیئر کر سکے گا ۔ یہ تھوڑا سا کام ہے مگر اس طرح کرنے سے نہ صرف بہت سے مسائل حل ہو جاتے ہیں بلکہ آپس کے تعلقات بھروط ہو جاتے ہیں
سچائی ضروری ہے
سچائی کے ساتھ اپنے جذبات و خیالات کا اظہار کریں کیونکہ جب اعتماد میں کمی آجاتی ہے تو بات بگاڑ کی جانب گامزن ہو جاتی ہیں اور اگر ایک دفعہ ایک دوسرے پر اعتماد یا اعتبار ختم ہو جائے تو دوبارہ بحال ہونے میں طویل عرصہ درکار ہوتا ہے۔ خوشگوار اور کامیاب ازدواجی زندگی گزارنے والے افراد ہمیشہ سچائی اور حقیقت پسند ہوتے ہیں۔
اپنے شریک حیات کی عزت کریں
آپ اپنے شریک حیات کی جتنی عزت کریں گے اور اس کا خیال رکھیں گے ویسی ہی عزت آپ کو بھی ملے گی۔ تعلقات میں مضبوطی پیدا کرنے کے لئے ضروری ہے کہ ایک دوسرے کی ذات کو اہمیت دی جائے ایک دوسرے سے اظہار محبت کیا جائے ۔
جب آپ اپنے شریک حیات سے محبت کا اظہار کریں تو جوابا اسے بھی آپ کا شکر گزار ہونا چاہئے اور محبت کا اظہار کرنا چاہئے ۔ کامیاب زندگی اور تعلقات کے یہ وہ راز ہیں جن کے ذریعہ آپ ایک دوسرے کا دل جیت سکتے ہیں۔
تعلقات کی مثال بالکل اس ننھے سے پودے کی مانند ہوتی ہے جو ابتداء میں بہت چھوٹا ہوتا ہے اور جب اس کی مسلسل دیکھ بھال اورحفاظت کی جاتی ہے تو وہ تناور اور مضبوط درخت بن جاتا ہے۔
اس کے ذریعہ آپ ایک دوسرے کا دل جیت سکتے ہیں۔ تعلقات کی مثال بالکل اس ننھے سے پودے کی مانند ہوتی ہے جو ابتداء میں بہت چھوٹا ہوتا ہے اور جب اس کی مسلسل دیکھ بھال اورحفاظت کی جاتی ہے تو وہ تناور اور مضبوط درخت بن جاتا ہے۔
